O RC Celta aterrou hoxe na cidade belga de Genk, onde este xoves ás 21:05 medirase ao equipo local nun partido de carácter histórico: se os celestes conseguen o pase a semifinais romperán o teito histórico do club en Europa. A expedición céltica chegou a Bélxica acompañada por medio milleiro de afeccionados que mañá empuxarán ao equipo desde a bancada do Luminus Area.
O equipo de Berizzo realizará esta tarde a última sesión de adestramento antes do decisivo choque de Europa League. Na ida o Celta superou aos belgas por 3-2 con goles de Sisto, Aspas e Guidetti.
