O RC Celta porá mañá, venres, á venda nos despachos de billetes do estadio diversos paquetes de entradas para o partido de ida dos cuartos de final da Europa League ante o KRC Genk en Balaídos. Estas entradas, para diferentes bancadas, proceden de devolucións de varios convenios.
As condicións son idénticas ás que se aplicaron aos billetes despachados ata agora e cada abonado poderá retirar ata dúas entradas da súa mesma categoría cun cincuenta por cento de desconto.
O horario dos despachos de billetes do estadio é de luns a venres de 10.00 a 14.00 e de 17.00 a 20.00 horas.