O Salón Rexio da Sede abre este domingo as súas portas para que os afeccionados celestes poidan ver en pantalla xigante o partido de LaLiga que o RC Celta disputará ante o Athletic Club en San Mamés. O encontro é de vital importancia para equipo que dirixe Óscar García, que busca escalar postos na clasificación e afastarse dos postos de descenso.
A entrada, que se abrirá desde media hora antes do inicio do partido (ás 18.00 horas) é libre até completar capacidade e todos os asistentes gozarán de servizo de barra durante todo o choque. Con cada consumición entregarase unha papeleta para entrar no sorteo de bufandas co lema ‘Vémonos na Sede’.
O Salón Rexio xa foi punto de encontro da afección celeste no tramo final da tempada pasada e esta campaña volverá acoller a uns afeccionados que de seguro enviarán o seu alento e enerxía aos xogadores do primeiro equipo.
