O sorteo da promoción de ascenso a Segunda División, celebrado este luns na Cidade Deportiva de Las Rozas, emparellou ao Celta B con outro filial, a Valencia Mestalla, na primeira eliminatoria de ascenso a Segunda División. Os celestes disputarán a ida en Barreiro o 20 ou 21 de maio e a volta en Mestalla o seguinte fin de semana.
O conxunto ché finalizou a tempada regular na terceira posición con 17 vitorias, 14 empates e 7 derrotas, mentres que o Celta B fixo o propio sumando 26 triunfos, 6 empates e 6 derrotas. Os de Menéndez tamén superan aos valencianos no rexistro goleador. Mentres a Valencia Mestalla marcou 59 dianas e encaixado 45, os galegos alcanzaron os 76 goles a favor e 31 en contra.
O resto de eliminatorias quedaron configuradas da seguinte maneira:
Primeiros de grupo
Barcelona B – CyD Leonesa
Albacete – La Hoya Lorca
Segundos, terceiros e cuartos de grupo
At. Baleares – Toledo
Cartagena – Alcoyano
Pontevedra – Real Murcia
Rayo Majadahonda – Racing Club de Santander
Villanovense – Fuenlabrada
