Os abonados celestes poderán reservar entre o mércores 26, a partir das 14.00 horas, e o sábado 29 do presente mes nos despachos de billetes do Balaídos as entradas para o partido de volta das semifinais da Europa League entre Manchester United e RC Celta, que, tras o acordo alcanzado entre ambos os clubs, estarán á venda ao prezo de 45 euros.
Cada abonado poderá adquirir unha entrada por carné ata un máximo de dous e deberá achegar tanto o carné de abonado como o DNI, de ambos si reserva dúas, xa que serán entradas nominais e nos accesos a Old Trafford será obrigatorio mostrar o documento de identidade ou o pasaporte. O club porá á venda 1.600 entradas para este encontro.
O RC Celta está xestionando co Manchester United un maior número de entradas para pór a disposición do celtismo, aínda que en todo caso trataríase de billetes en outras zonas do estadio e a prezos diferentes.
