celta_b_castilla_011117_barreiro.jpg
A Canteira

Primeira derrota en Barreiro ante un Castilla inferior pero eficaz (1-4)

RC Celta

Resultado máis que enganoso en Barreiro. O 1-4 asinado polo Real Madrid Castilla ante o Celta B non reflectiu para nada o visto sobre o terreo de xogo. Os celestes foron moi superiores en xogo e ocasións, pero o conxunto merengue exhibiu unha efectividade case irreal que condenou aos vigueses. A fortuna deu as costas ao Celta B nesta xornada, primeira en Barreiro que termina con derrota celeste nesta tempada.

O Celta B non puido arrincar mellor o partido. Dono do balón e incisivo no ataque, o filial celeste perforou a rede madridista ao terceiro intento. Tan só transcorreran seis minutos de xogo cando Brais Méndez bateu a Belman cun remate raso e moi ben definido. Os de Rubén Albés eran superiores e gozaron dun bo puñado de ocasións para aumentar a súa conta goleadora.

Mediado o primeiro tempo o Real Madrid, que apenas protagonizara chegadas á área celeste, logrou empate nunha xogada polémica na que os celestes reclamaron fóra de xogo. O gol subiu ao marcador, pero a dinámica do choque non variou. Dominio soberbio do Celta, con continuas aproximacións á portaría madridista que non frutificaban.

Non era o día do cadro vigués. Apenas tres minutos despois do empate o Real Madrid adiantábase no marcador por medio de Jaume. O descanso chegou a Barreiro coa sensación de que, a pesar da remontada do Castilla, o Celta podía dar de novo a volta ao marcador.

A brillantez exhibida no primeiros corenta e cinco minutos polos celestes se emborronó tras o descanso. Aínda mantendo a posesión do esférico e xerando opcións no ataque, o equipo mostrábase algo desordenado e concedeu unhas cantas ocasións ao rival nas que o porteiro Dani Sotres mostrouse pletórico. Con todo, nada puido facer no terceiro gol do Real Madrid, un contundente disparo de Quezada que golpeou o fondo da portaría olívica.

O resultado se volvíó aínda máis enganoso co cuarto tanto madridista. O recentemente entrado Dani Gómez sentenciaba o choque no minuto 77, pondo un 1-4 no electrónico de Barreiro que para nada reflectía o visto sobre o terreo de xogo. O encontro finalizou cunha infinidade de ocasións para o Celta B nas que parecía imposible que o balón non entrase.

FICHA TÉCNICA

1-CELTA: Sotres, Kevin, Ros, Alende, Riki (Pampín, min.46), Molina, Rai, Juan Hdez., Brais, Drazic (Pastrana, min. 68), Dennis (Agus, min.61).

4-R.MADRID: Belman, Álex, Reguilón, Manu Hernando, Javi Sánchez, Jaume, Feuillassier (Mancebo, min.61), Seoane, Cristo (Dani Gómez, min.76), Óscar (Fidalgo, min.88) y Quezada.

Goles: Brais Méndez (1-0, min.6); Jaume (1-1, min.26); Seoane (1-2, min.29); Quezada (1-3, min.64); Dani Gómez (1-4, min.77).

Árbitro: Román Román, do comité castelán-leonés. Amonestou a Sotres, Kevin (Celta); Álex, Seoane, Reguilón, Óscar (Real Madrid).

Campo: Barreiro.

 

RC Celta

Etiquetas

A Canteira A Canteira A Canteira Celta b Celta b Celta b Novas celta b Novas canteira Novas celta b Novas canteira Novas celta b Novas canteira

Noticias recomendadas