aficion-bengalas-bus-recibimiento-abanca-balaidos-vs-girona.jpg
Primeiro Equipo

Recibimento e ‘festa’ na Bancada Siareiros antes do transcendental partido ante o Eibar

RC Celta

Partido transcendental. O RC Celta necesita a vitoria este domingo ante a SD Eibar por múltiples motivos, e todos e cada un de enorme peso. Triunfo para adquirir confianza, liberar presión, recortar distancias, e non perdelas, cun rival directo, avanzar na táboa, avivar a esperanza, recuperar o ánimo…

Só é posible da man da afección, xuntos, como sempre. O celtismo prevé realizar un recibimento ao equipo na chaira de Marcador para dar ese primeiro impulso desde a chegada ao estadio. O club apóiao con diversas iniciativas encamiñadas a potenciar un ambiente adecuado á transcendencia do choque.

Na Bancada Siareiros serviranse, de maneira gratuíta, chocolate, bebida e racións de empanada desde as 11.30 horas e até as 12.10, hora prevista para que a afección reciba ao equipo. Unha vez conclúa, a bancada reabrirase até as 13.20 horas para que os afeccionados poidan continuar gozando xuntos da previa deste vital encontro.

A unión entre equipo e afección é o único camiño, percorreuse moitas veces. Haberá unha máis.

RC Celta

Etiquetas

Primeiro Equipo Novas primeiro equipo Novas primeiro equipo Novas primeiro equipo Primeiro Equipo Primeiro Equipo

Noticias recomendadas