O adestrador do primeiro equipo, Óscar García, convocou a vinte e catro xogadores para o partido da primeira xornada de LaLiga na que o RC Celta visita á SD Eibar (sábado, 16.00, Ipurúa).
A listaxe completa fórmana: Iván Villar, Hugo Mallo, Araujo, Okay, Denis Suárez, Álvaro Vadillo, Fran Beltrán, Nolito, Iago Aspas, Emre Mor, Renato Tapia, Olaza, Sáenz, Juncá, Aidoo, Kevin, Santi Mina, Brais Méndez, Miguel Baeza, Iago Domínguez, Raúl, José Fontán, Gabri Veiga e Miguel Rodríguez.
Sergio Álvarez e Rubén Blanco son baixas por lesión. David Costas non entra na listaxe.
Debido á regulamentación de LaLiga, Iván Villar lucirá o dorsal ‘1’ e Sergio Álvarez, ao non estar inscrito, o dorsal ´25′ até o momento no que se poida efectuar un novo cambio.
