“O Real Madrid é un dos mellores rivais a nivel mundial”, asegurou Sergio este mércores na Madroa. O canteirán celeste explicou que o cadro merengue “é moi bo nas transicións defensa-ataque”, algo que obrigará ao Celta a “ter o balón, manexalo ben e finalizar todas as xogadas”. O porteiro galego fixo un chamamento á afección celtista para que dea “o seu apoio nos momentos máis difíciles do partido”.
Sergio recoñeceu que no vestiario percíbese a gran ilusión que ten o celtismo polo gran arranque de tempada, aínda que o plantel mantén a calma e concéntrase en conseguir os puntos necesarios para a permanencia: “Que a xente se ilusione e veña a Balaídos significa que estamos a facer as cousas ben”.
