O Real Club Celta e o Club Atlético Independente pecharon hoxe o acordo para o traspaso dos dereitos federativos do centrocampista Pedro Pablo “Tucu” Hernández. O internacional chileno chegou a Vigo no verán de 2014 procedente do O’Higgins e, durante catro tempadas, defendeu o escudo do RC Celta con coraxe, decoro, e a maior profesionalidade que podería esperarse dun futbolista.
Tucu despídese do club vigués con 149 partidos ás súas costas en Liga, Copa e Europa League; dez goles e un bo puñado de momentos inesquecibles para todo o celtismo que, sen dúbida, lembrará con especial agarimo a un xogador que foi exemplar tanto dentro como fose do terreo de xogo. O RC Celta desexa expresar o seu máis sincero agradecemento ao Tucu por catro anos de absoluta entrega pola camiseta celeste, así como desexarlle un rotundo éxito no seu novo reto profesional en Arxentina.
Agradezco la intención del CELTA de contar conmigo para la próxima temporada pero ante una eventual posibilidad de salida les he pedido sea atendida.
El Celta es y será mi casa.— @tucuhernandez (@tucuhernandez) 28 de junio de 2018
