O RC Celta medirase ao histórico Manchester United en semifinais da UEFA Europa League, o último paso para acceder á ansiada final do torneo que este ano se celebra en Solna (Suecia). O sorteo celebrado este venres na sede da UEFA en Nyom emparellou aos celestes co conxunto inglés, un dos grandes de Europa que chega á última eliminatoria tras eliminar ao Anderlecht.
O partido de ida xogarase en Balaídos o xoves 4 de maio ás 21:05 e o de volta o xoves 11 á mesma hora.
