Celta Media estrea este mércores 9 de agosto ‘Hoxe Xogamos!’, un programa que seguirá en directo os prolegómenos e post partido do XXII Memorial Quinocho ante o Udinese. Presentado por Lucía Fandiño e coa presenza dun invitado especial, a emisión deste novo espazo arrincará ás 19:10 cunha análise da pretemporada celeste e retomará a conexión tras o asubío final para valorar o choque entre vigueses e italianos.
